| Gairmí Cuí | Oftailmeolaí NÓ Máinlia Oftalmach |
| Cineál na Cáipéisíochta a Theastaíonn | Comhlánaigh an Fhoirm Fianaise Míchumais 2026 NÓ Cuir isteach tuairisc reatha comhlánaithe ag an ngairmí cuí ina bhfuil na sonraí céanna agus atá san Fhoirm Fianaise Míchumais. Ní mór an tuarascáil a shíniú agus a chur isteach ar an bpáipéar ceannteidil. |
| Aois Riachtanach na Tuairisce | Ainneoin nach bhfuil aon teorainn aoise luaite leis an bhfianaise dhiagnóiseach a chuirtear ar fáil, moltar tuarascáil a cuireadh i dtoll a chéile le déanaí a chur ar fáil. |
| Míchumais Eile | Cuir Foirm um Fhianaise ar Mhíchumas ar fáil do gach míchumas/riocht atá le breithniú. |
| Ráiteas Tionchair Oideachasúil (RTO) | Cuireann an Ráiteas Tionchair Oideachasúil ar do chumas agus ar chumas do scoile sonraí a chur ar fáil maidir leis an gcaoi a raibh tionchar ag do mhíchumas ar d’eispéireas in oideachas dara leibhéal. Tá an RTO riachtanach do gach iarratasóir. Chomh maith leis sin, is féidir le Seirbhís Múinteoirí Cuartaíochta na Roinne Oideachais agus Scileanna Tuairisc Idirthréimhse a chur ar fáil d’iarratasóir BRODM; ach ní féidir a leithéid a úsáid seachas an Ráiteas Tionchair Oideachais. |
| Incháilitheacht do BRODM | Beidh an t-iarratasóir incháilithe nuair a dheimhníonn an gairmí oiriúnach an méid seo a leanas: Tá an Ghéire Amhairc Cheartaithe is Fearr cothrom le nó níos lú ná 6/24 (Snellen) i súil amháin NÓ Tá an Ghéire Amhairc Cheartaithe is Fearr cothrom le nó níos lú ná 6/18 (Snellen) sa dhá shúil NÓ tá an Réimse Radhairc Forimeallach laghdaithe 20 Céim nó níos mó sa dá shúil NÓ tá an Réimse Radhairc Lárnach teoranta don mhéid a gcuireann sé isteach ar ghnáthradharc ar ábhar amhairc, e.g. Galar Stargardt AGUS Comhlíonann an t-iarratasóir aon mheascán de dhá tháscaire tionchair oideachais idir Táscaire 1 agus Táscaire 5 ar RTO. |
Find out how you can access higher education in Ireland
Find out how you can access higher education in Ireland
